المساعد الشخصي الرقمي

مشاهدة النسخة كاملة : مطارده شعريه بل دارمي...نبدا بيت شعري بالحرف الذي انتهى به البيت اللي قبله.


TELKEIFY007
03-04-2010, 12:01 PM
هاااي
شباب & شابات
اليوم جبت فكرة جديدة لمحبي الشعر
الفكرة بسيطة ومعروفة لدى الشعب العراقي
وهي عبارة عن مطاردة شعرية بالدارمي
وراح اشرحلكم كيفية المشاركة
راح ابدي اني بيت دارمي.. اليدخل بعدي يكتب بيت دارمي
بس بشرط يكون يبدي هذا البيت بالحرف الاخير الي خلص بيه الدارمي الي كتبته
وهكذا الي بعده يكتب بيت دارمي يبدي اخر حرف بيت دارمي موجود ..
اتمنى تكونو فهمتوو الفكرة
واتمنى المشاركه من جميع الاعضاء
اوكي نبدي

جــنة بلا محبوب ما تسوى دينـــــار
كون الحبيبه وياي خل ابقى بل نار

حرف الراء للي بعدي

nasir_Daly
03-04-2010, 12:11 PM
حلوه منك يالتلكيفي ......خوش مطارده تكون.....يالله ياشباب...


راد القلب ينساك بس مانسيتك......عيوني اثنينهم فداك يالقلب بيتك


حرف الكاف

TELKEIFY007
03-04-2010, 12:21 PM
كلمن يگول انساك گله انته مجنون
هو الگمر ينشاف من غير العيون
مشكور خالو
حرف النون للبعدي

nasir_Daly
03-05-2010, 10:26 PM
نرجع اليوم قبل باجر, منو بالغربة كعد حظه

كافي غربة , حتى اسمج علينا صار صعب لفظه



حرف الهاء

telkefya_flower
03-07-2010, 10:57 AM
عاشت ايدك تلكيفي على الفكرة الحلوة

هاجرت كل دنياي لمن عرفتك ... صار اليهمني اثنين انت وضحكتك

حرف الكاف

a7la_telkefeia
03-07-2010, 12:07 PM
كافي هجر يهواي مو كلنة كافي---- هم انتة هم دنياي وهم البواجي ---gggggggggggggggggggggggg الوراية حرف الياء wrfaa2wrfaa2wrfaa2

sarmad_spoort
03-07-2010, 12:55 PM
يالبصره يم العود يا كل حياتي
احيا وأموت عليج واهنا مماتي

حرف الياء

تحياتي0000

telkefya_flower
03-07-2010, 09:03 PM
يــاعـــراق انهض كـوم واسند علينا
بدموعنا نسكي اللي يبس و نشيلك بدينا

حرف الألــف

sarmad_spoort
03-07-2010, 10:23 PM
اصبر واصبر الروح واشكي من الفراك***لويمي كل الناس بس الك اشتاك

حرف الكاف

raneen yousif
03-08-2010, 08:30 AM
خوش فكره هاي مال مطارده بس علكيفكم ها لتسوقون سريع


غير اكدر بلياك حته انه اعوفك ××× بعيوني اضل ماشوف من ما اشوفك

nasir_Daly
03-08-2010, 11:01 AM
كون انگلب عصفور واسكن شجركم
وكلما اصيحن ويص يعني احبكم

حرف الميم

telkefya_flower
03-08-2010, 06:47 PM
ما نعرف النسيان ثابت طبعنه .... بس الوكت بذات شالع كلبنه

حرف الهــــــاء

sarmad_spoort
03-08-2010, 06:55 PM
مو كل صديق وياك صادق تظنه
عدنه الصديق ايصير اغله من اهلنه

جرف الهاء

telkefya_flower
03-08-2010, 07:12 PM
هاي الصداقه اتريد طيب وتسامح ... واليوفي خويه اليوم صدكني ناجح

حرف الحـــــاء

Marwa Yakoo
03-09-2010, 04:26 AM
حلوة اللعبة عاشت الايادي !

حبيته مو بس حيل حبيته بجنون***بدلني بأرخص ناس وبجالي العيون

الحرف ( النون)

nasir_Daly
03-09-2010, 08:37 AM
نسمة هوا انت شمدريني راح اهواك
گلت مثل مثل الهوا و ما ادرري .. شميتك

من ذاك الوكت ما غبت عن البال
الگلب بسمك تسجل و انحسب بيتك

اللي بعدي حرف الكاف

يبرو
03-09-2010, 09:20 AM
كون الگلب ينصاغ محبس ودزه
يبقه إلك تذكار لجل المعزة

القلب لو ينساك للسوك اجيبه ***

واكتب عليه للبيع خاين حبيبه
wrfaa2

nasir_Daly
03-09-2010, 02:37 PM
عاشت ايدج عمو برويثه

هاي خدود عندج جذب الگال………….گيمر ويه عسل تفاح خدنه
هاي الناس كلها تملگ أرگاب.............بس الرگبة عندج مرمر النه

هم حرف الهاء

يبرو
03-10-2010, 05:01 AM
هنياله كلمن شاف حبه وتهنه



منه تصل چلمات وأحسبها جنه
wrfaa2

nasir_Daly
03-11-2010, 01:41 PM
همك او هم الناس وهم هم الهموم
لو وحدة منهن بيك جان ما تكدر اتكوم
همك او هم الناس وهم هم الايام
وفوكاها هم العين ما تقبل تنام

اللي بعدي حرف الميم

telkefya_flower
03-12-2010, 01:30 PM
مايذل لاهيــــــــهات ابنج يــبغداد .... بأخر نفس ويصيح منصوره البلاد

حــرف الـــدال

nasir_Daly
03-12-2010, 01:36 PM
دلوع ويدلع ويغار حتى من الشريان
والله لسوي بكل زاويه أعلان
واكتب عليها حبيبي يهمني زعله
إي أسهر وظل لجله سهران

حرف النون

عماد مروكي
03-15-2010, 10:01 PM
ناديتها يا مها عيناك قدكحلت
قالت ابد والله ماكحلتها
قدكحلها الرحمن بالقدر
وقلت والوجنات ورده واخته
قالت اما تختشي اقطف الورده
وشوف بعد ساعة تذبل

talkefe_w_bkefe
03-17-2010, 05:48 AM
لمة ورد ياهواي حمرة خدودك
وميت تراه يصير اليعبر حدودك

حرف الكاف

nasir_Daly
03-17-2010, 07:51 AM
كلبي الك عطشان واحتاجيتك
بشحة حنان ماي انت الكيتك
جنت ما اتمنى كلشي بهالحياة
وهسة من شفتك انة اتمنيتك

حرف الكاف

عماد مروكي
03-17-2010, 11:26 PM
كل جرح بيه يطيب واكدر على دواه

لكن جرح غدرك محتار انا وياه

حرف الهلء

TELKEIFY007
03-20-2010, 02:13 PM
هدني التعب يفلان
والهم أكلني
من غيبتك لليوم
محد فگدني
الياء

زهرة الخريف
03-21-2010, 06:01 PM
يمكن يضيع الشــــوق في داخل إنســــــان
ويمكن يضيع إنســــان من كثرة الشـــــــوق
وكم خافق من حرقة الشـــوق ظميـــــــان
ما كن له حس ونبضـــــات وعــــــروق
يـــــــــــا صاحبي كـــأنك على الوصل شفقان
فأعرف تـــــرى قدرك على الراس من فوق
**** أشتــــــــ لك حيل ـــــــــــقت ****


( حرف اللام)

SaRa
03-23-2010, 04:24 PM
نحيل الجسم من بعدكم تراني
واريدك دوم بعيونك تــــراني
اذا انتو نســــيتوني تــرانــي
بذكركم كل صباح وكل مسيه

Marwa Yakoo
03-24-2010, 04:54 AM
ها ناسي ها مليت ها لو قرولك *** لو شفت غيري ايلوك طوله ويطولك


الكــــــاف

Marwa Yakoo
03-24-2010, 05:08 AM
اسمع ونين الگلب شوف شكثر مهموم *** فوگ السهر والضيم من شوفتك محروم


اسمع ونين الگلب اسمع يبو شهاب *** بس انه من ونيت كالولي جذاب

عماد مروكي
03-24-2010, 11:32 PM
بالك تبيع أسرار للمنك وبيك ***** هو اليدك اطبول هو اليخزيك

telkefya_flower
03-27-2010, 11:42 AM
كالولي عوفه أسبوع خل نستفزه ... كلت الدقيقه أهواي يا ناس أعزه



حرف الهــــاء

nasir_Daly
03-27-2010, 12:34 PM
هسه اشبدلج سبحان رب الكون
بس كربت يمج بالشبج طحتي
يمكن بعتي نفس الحجي لهذا ولذاك
ويمكن غير ناس هوايه جربتي

حرف الياء

يبرو
04-01-2010, 09:26 AM
يا فلان ادري بنبع الشوك وردك
وادري من التحبها النوح وردك
العمر بستان واحلى الور وردك
ووردك تذبل بس عليه

talkefe_w_bkefe
04-01-2010, 09:05 PM
همل دمعي بغيابك ليل ..ونهار
وفاضت دموعي شطوط ..ونهار
حـبـنـا لـيـش انـتـهـى .. ونهار
وانا حبك تدري بيه

حرف الهاء

يبرو
04-05-2010, 11:32 AM
هسه انه امنت بالشوك وياج
واحذرج من كلام الناس وياج
بكثر ما وج دليلي العذل وياج
وتعالي انعيد عشرتنه سويه

nasir_Daly
04-05-2010, 02:14 PM
هو الحسن شيفيد لو ما الوفا وياه
لو حصل طيب الذات كلنا نتمناه


همينه حرف الهاء...

يبرو
04-12-2010, 12:28 PM
هاك الكلب والروح وعيوني اخذهن




دوم الك مشتاگات خلصني منهن

telkefya_flower
04-12-2010, 02:51 PM
نرسم صور الأحباب بدموع العيون ... ونصبر بهالروح بلكت يمرون


حرف النون

يبرو
04-12-2010, 10:14 PM
نشدوني هم حبيت كَلتلهم اهواي
*&*
ردت أحسب احتاريت بس أنته وياي

nasir_Daly
04-15-2010, 03:51 AM
يا حبيبي الناس صاحت شهل الجمال


ويلي حسنك حسن يوسف ينضرب بية لامثال


ما شفت الى بجمالك لبجنوب ولة بشمال



وشرداوصفك يا حبيبي وانتة اصفة من الزلال



اللي بعدي حرف اللام...

يبرو
04-15-2010, 11:50 PM
لوگتلك انه أنساك أحســــبني چذاب



وأنت أغله من الروح وأغله من الاحباب

nasir_Daly
04-16-2010, 03:52 AM
برويثه اشحصلت من عمري ذاك الفات
اذا نص العمر لجلج سهرته

واذا بيه الذنب فهميني خل ارتاح
واذا بيج الذنب رغماً عني قبلته

dana_aa
05-12-2010, 03:33 PM
عاشت ايدك تلكيفي على الفكرة الحلوة

gggggggggggggggggggggggggggggggg

dana_aa
05-17-2010, 07:52 AM
اصبر واصبر الروح واشكي من الفراك***لويمي كل الناس بس الك اشتاك

حرف الكاف

nasir_Daly
05-17-2010, 08:58 AM
كلت خلي اجرب ما اسولف بيج
طلع شريان كلبي يردد احروفج

اذا جرحي تصير وبية تنزف حيل
اروف اجفون عيني والك ما روفج

حرف الجيم

بابا عابد
05-23-2010, 11:50 AM
قصيدة شعرية شعبية متميزة !!!
تسلم الأيادي ** تلكيفـي 007 **
خالص تحياتنا الأخويـــــة ...

saif_telkpnaya
06-02-2010, 05:49 PM
علي ما فززني شكثر مرن

حلوة ايامنا و بجفاك...مرن

نقالك سمعتة اليوم ..من رن

لو صامت جهازك بس عليه
_____________________________________________

هذا الدم رضاعة لو عسل بيك

الوع و كون تسمع لوعة البيك

قمر دين الي بشفتك لو عسل بيك

لو حامض حلو لو سمسمية
_____________________________________________

لا خاتم بقالي بايد لا بت

ولا اخ النفعني بيوم لا بت

مريض انت و عليك الروح لابت

لان حسيت كبلك بالاذية

يبرو
06-07-2010, 05:36 AM
متعجبه هاي الناس شافت جروحي
ماتدري دمعي عليك شككلي روحي

nasir_Daly
06-07-2010, 09:25 AM
الله الله عمي برويثه على هالدارمي .........حرف الياء لازم اكول اني ....

ياما ربت .. ياما لولت .. ياما سهــرت
ياما ضمت .. ياما شالـت ضيم لو على الجبل كان هد من طوله
واللي يحــب امه ياعالم لا تلومونه

اخوان بما انها مطارده شعريه لازم تبدا بالحرف اللي انتهى منها البيت الاخير يعني هسه لازم اللي بعدي يبدا بحرف الهاء..

يبرو
06-07-2010, 11:57 AM
هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه

Alsanateya
06-26-2010, 08:51 AM
هانت الأيام و هانت عشرتي،، من أعز الناس سالت دمعتي

حـرف (ي)

تحـياتي و فكـرة حـلوة.

السـناطيـة

Marwa Yakoo
07-12-2010, 04:33 PM
ياعود اعزف صبا مو راحت ايام الصبا واحد يعذبة الزمن واحد هلا تعذبة

يبرو
08-12-2010, 02:29 PM
غير اكدر بلياك حته انه اعوفك
بعيوني اضل ماشوف من ما اشوفك

dana_aa
09-15-2010, 04:21 AM
اصبر واصبر الروح واشكي من الفراك***لويمي كل الناس بس الك اشتاك

تمرة بغدادية
10-16-2010, 01:27 PM
نام القلب بعداك بتابوت آه ويا أحا
سكت ولطم بجفاك وين أنه أروحا

بقلمي ....حرف ( الالف )

Alsanateya
11-27-2010, 01:21 AM
احبك لو تنكلب دنياي هم على هم
احبك لو عيني تدمع بدل الدمع دم
احبك لو ما عاد جروحي تلتم
احبك اكثر من ام بطفلة تهتم

الي بعدي حرف ال ((( م )))

nasir_Daly
11-27-2010, 02:28 AM
محتاجك اكثر واكثر من نظر عيني
انا دخيلك طره والله ضاكت احوالي
بوكت ماجنت محتاجك تخليني
هذا جزاء الطيب والمعروف يالغالي

........حرف الياء........

Al.Samra
11-27-2010, 04:17 AM
يا حبيبي احبــك واهواك وريت العمر كله وياك...واذا فكرت تنساني... احفرلي كبري والله ويــاك

حرف (( ك))

nasir_Daly
12-09-2010, 12:45 AM
كل حجيك رزن واخلاقك احله اخلاق
وبحسنك جميع الناس مذهوله
شكد رادو احبهم ولهالحظه يردون
و حجو ويه قلبي شكد بجووله



حرف الهاء

تمرة بغدادية
12-12-2010, 11:00 AM
هم الكَلب مو بـــــــس هم
شايل لجمات و شوق بغيابك
هم شايف أحلى من شيلة العراقيه لبتها
ماتشوف أحلى من متون تحفظك وتصطبي ابابك




حرف الكاف

nasir_Daly
12-13-2010, 12:34 AM
كاف تتكبر علينا يمغرور,,,,
لاتنسى طره الدنيا دواره ودور
يوم تخليك حزنان ومقهور
ويوم تخليك فرحان ومسرور
لاتنسى نفسك بالغميج تروح,,,,
طره بحرنا مو مثل كل البحور


حرف الراء

ابتسام الهومي
12-16-2010, 07:59 PM
رحلت متصور حياتك بدوني

انت بقايا انسان يصارع الحزنِ

لم تعلم انك تائه في وسط الشجون

كيف ستكون بدوني

بماذا ستحتمي ان لم تكن جفوني

واين سترمي بهمومك بغير حظني

لم يبقى منك سوا مايجول بذهني

ذكريات ...حب... انسان حنونِِ

جيمي خمي
12-17-2010, 10:51 PM
مساء الخير على الجميع ...
اليوم احب اطرح عليكم مسابقه كلش حلوة ... هي مسابقه شعرية ..
بالبدايه اكول بيت شعري يتكون من سطرين بس
الي يجي ورايا ايكمل اب اخر حرف خلصت بيه القصيدة .. مثلا
صح نمشي بين الناس صح كلنا عدلين ...
ترى نمشي بس اجساد الحقيقة احنا ميتيين ...
الي يجي بعدي يبدي بحرف النون ...
وراح انطيكم مثال توضيحي اللاخ
يعني اني خلصت القصيدة الاولى بحرف الياء
الي راح يجي وراياا راح يكول
نور عيوني ويا محلاها العيون
حبيبي من وراج صرت مجنون ..
الي يجي ورايا يبدي اب حرف النون
الفكرة صارت واضحه هسه للكل
اتمنى الكل يشارك ويانا بالمسابقه ...

nasir_Daly
12-18-2010, 12:24 AM
خالو جيمي شكرا عالفكره الحلوه .....وهذه اللعبه بالدارميات موجوده في منتدى الاشعار.....ولهذا راح ادمجها ويه نفس الموضوع ......ونشارك كلنا هناك .....واحنه الممنونين ..وهذا الرابط ::

http://www.sheyoz4all.com/vb/showthread.php?t=2115

بابا عابد
12-18-2010, 02:49 PM
gggg gggg gggg

نار حبّــك حركَني يا محبوب ... ضيّــع على كل الدّروب

{ حرف ال ب }}

ابتسام الهومي
01-26-2011, 07:07 PM
بقرار منك عفتني وجاي هسه تتوسلني
تريدني ارجع الك ناسي قسوتك الأذتني

حرف الياء

dodo87
02-16-2011, 09:50 AM
نيرانك حركت كليبي وروحي * شنهو الجمال البيك ياجنة روحي

حرف الياء

Alsanateya
02-16-2011, 02:18 PM
دودو لازم تكون حرف الياء هههههههههههه

يكولون بالبعد الحب يقسى

واني اكول الي يحب ما ينسى

الي بعـدي ى انت سوي أ

ابتسام الهومي
02-16-2011, 07:09 PM
احببتك ......نعم
اهواك وهذا هو الاهم
اقولها قبل ان تسال
اقولها وان لم تفهم

البعدي حرف م

Alsanateya
02-16-2011, 11:09 PM
مشكلتي صعبه اصبحت ماعندي كل احلول فركاك صار مرض بيه راح انتحر حبيبي شتكول


الي بعدي حرف لـــ

nasir_Daly
02-17-2011, 01:10 AM
احجيلج عن اوضاعي واريدج اليوم تسمعينهـا..
اريد من وقتج الغالي ولو لحظـه وتسمعينـي ..
انا جيتج بعد ما ضاقت الدنيـا مـن اربعهـا ..
كعدت البارحه لوحدي لأن ماحاجيتيني

ابتسام الهومي
02-18-2011, 06:17 AM
هاي شنو خوني ناصر
سناطية انتهى الدارمي الكتبته بحرف اللام وانت بدات الدارمي بحرف الالف
ولازم تبدا بحرف اللام هاي نقطة عليك
لان القانون عندنا انك تبدأ بالحرف الاخير من الدارمي القبلك

تحياتي خوني

talkefe_w_bkefe
02-22-2011, 03:01 AM
لفة فـلافـل كون وبـايـدك اصفـى
تاكلني من تجوع وبحضنك اغفى


حرف الالف للي بعدي :)

ابتسام الهومي
02-22-2011, 07:14 PM
الله الله تلكيفي عشت

العراق انجرح وهذا مو قياس
النخل من ينجرح مايشتكي من الفاس


البعدي حرف .... س ....

talkefe_w_bkefe
02-22-2011, 08:58 PM
سالن دموعي عليك ليل ..... ونهار
وفاضن دموعي شطوط..... ونهار
حـبنـا لـيـش انـتـهـى...... ونهار
وانا احبك تدري بية

للبعدي حرف التاء

(ملاحظة جميع الكتابات بقلمي )

ابتسام الهومي
02-24-2011, 08:46 PM
عاشت ايدك تلكيفي ودام قلمك
ولو المطاردة هنا هيه بالدارميات بس الابوذيه كلش حلوة
ولخاطرك اني هم راح اكتب ابوذيه



تذكر من جنا نكعد سوا بفد رحله
واعترفتلك بحبي من جنا ب رحله
والله مو بايدي كلبي يكول روحله

احبك واموت عليك ارحم يالغلي شويه

البعدي حرف الهاء

TELKEIFY007
08-21-2011, 11:05 AM
هاك اخذ نص الروح وتركلي بس نص *** حتى من غص بالزاد من يمك اتغص
حرف الصاد للبعدي

nasir_Daly
08-21-2011, 11:36 AM
صرت عيدي وحته العيد منج غار
وصرت طيف الفرح مرسوم بجفاني

البعدي حرف الياء.....

TELKEIFY007
08-21-2011, 11:40 AM
يل طالع من البيت حسنك عجيبه *** لازم هلك عالناس تاخذ ضريبه
حرف الهاء للبعدي

ZOLA_3LM_DAR
09-23-2011, 01:06 PM
حلوة اللعبة عاشت الايادي !

حبيته مو بس حيل حبيته بجنون***بدلني بأرخص ناس وبجالي العيون

الحرف ( النون)
عيد ودمع وجروح يلتمن شلون؟؟ ..... كلما اگول انساک تفضحنی العیون (حرف الـــــــنون)

ابتسام الهومي
09-26-2011, 10:26 PM
نار شبت بحشاي يوم العفتني
ربي اخذ روحي اليوم ومن قهري خلصني


حرف الياء

ZOLA_3LM_DAR
09-27-2011, 02:48 PM
عيد ودمع وجروح يلتمن شلون؟؟ ..... كلما اگول انساک تفضحنی العیون (حرف الـــــــنون)

ZOLA_3LM_DAR
09-27-2011, 02:52 PM
ليش بصباح العيد دستي إعله خدي
عيب إستحي من الناس يادمعه ردي

ZOLA_3LM_DAR
09-27-2011, 02:53 PM
حرف الياء ......

TELKEIFY007
01-01-2012, 06:21 PM
يسألني البطران ليش وجهك اصفر
مايدري على المحبوب قلبي تفطر
الراء للبعدي

nasir_Daly
01-01-2012, 11:39 PM
روحي يامن بالگلّب خنجر غدر بيدچ زرعتي
روحي الله ويآچ يا آخر حرف گلته على شفتي ...

حرف الياء

TELKEIFY007
01-02-2012, 10:02 AM
يا ديج صيح بقهـــــر وسمع الاحباب
الفجر هل من وكت والجرح ما طاب
حرف الباء للبعدي

nasir_Daly
10-29-2012, 01:23 PM
بانت سعاد فقلبي اليوم متبول ...متيم أثرها لم يفد مكبول .....

اللي بعدي حرف اللام ..

بابا عابد
10-29-2012, 02:54 PM
نــواك ( بُعــــدكَ ) مرمــرني حبيبي !
شــلون أعيش بليّــــك ؟ !!!
اللّي بعــــدي ( حرف ك ) ..

بابا عابد
01-27-2013, 09:04 AM
ويلّمها طفلة بانت مروّعـة ... وبت من حولها في اللّيلِ أرعاهـا !

{ معروف الرّصافــــي }

nasir_Daly
01-27-2013, 12:23 PM
هي نفع ولذة للنفوس ..وراحة للجليس .....

TELKEIFY007
02-15-2013, 01:36 PM
نكمل على حرف السين
ساسي البنيته وياك ربعته تربيع
دكيته دك ملاج ما ناوي للبيع
حرف العين للبعدي